O‘zbekistonning Jenevadagi vakili BMTning Inson huquqlari bo‘yicha raisi o‘rinbosari etib saylandi
21.11.2021 23:19,
143
Osiyo-Tinch okeani mintaqaviy guruhiga a’zo davlatlar O‘zbekistonning Jeneva shahridagi BMT bo‘linmasi va boshqa xalqaro tashkilotlardagi doimiy vakili Ulug‘bek Lapasovni 2022 yil uchun BMT Inson huquqlari bo‘yicha kengashi (IHK) raisining o‘rinbosari lavozimiga bir ovozdan qo‘llab-quvvatladi.
Qayd etilishicha, BMT Inson huquqlari bo‘yicha kengashi byurosi tarkibi tashkilot raisi hamda uning turli geografik guruhlardan saylangan to‘rtta o‘rinbosaridan tashkil topgan.
BMT IHK tarkibiga 47 davlat kiradi hamda butun dunyo bo‘ylab inson huquqlarini ilgari surish va himoya qilishga mas’ul tuzilma hisoblanadi.