Karantin davrida kasallik yuqishi xavfidan kelib chiqib, Respublika maxsus komissiyasi qarori bilan vaqtinchalik chora sifatida pensiya va nafaqa pullari plastik kartalarga o‘tkazilayotgan edi.

Joriy yil 13 may kuni bo‘lib o‘tgan videoselektor yig‘ilishida Prezident Shavkat Mirziyoyev topshirig‘i bilan ushbu tartib bekor qilindi va pensiyalar yana naqd pulda tarqatilmoqda.

Xalq banki belgilangan grafiklar asosida har oyning 4-27-sanasi oralig‘ida karantin talablariga qat’iy rioya qilgan holda pensiya va nafaqa pullarini naqd shaklda pensionerlarning uylariga yetkazib beradi.