Prokuraturaning yana bir xodimi 41 yoshida vafot etdi

Prokuraturaning yana bir xodimi 41 yoshida vafot etdi

Koson tumani prokurorining o‘rinbosari lavozimida ishlab kelgan adliya maslahatchisi Sheraliyev Bahodir Haydarovich 41 yoshida olamdan o‘tdi. Bu haqda "xabar.uz" yozdi. O‘limga yurak xuruji sabab bo‘lgani aytilmoqda.

Chiroqchi tumanida tug‘ilgan B.Sheraliyev Samarqand davlat universitetidagi tahsildan so‘ng Qashqadaryo viloyati Qarshi shahar prokuraturasida faoliyat boshlagan. O‘tgan yillar davomida tizimda turli lavozimlarda ishlab, mehnatkash va ochiqko‘ngil ekani bilan hurmat qozongani aytiladi.

Biz ham marhumning yaqinlariga hamdardlik bildiramiz

Eslatib o‘tamiz, sal avval Bosh prokuratura mas’ul xodimi 33 yoshida vafot etgani xabari berilgandi.