Qarshi—Samarqand—Qarshi yo‘nalishi bo‘yicha bir oyga «Afrosiyob» poyezdi qatnovi yo‘lga qo‘yiladi

Qarshi—Samarqand—Qarshi yo‘nalishi bo‘yicha bir oyga «Afrosiyob» poyezdi qatnovi yo‘lga qo‘yiladi

"Samarqand” xalqaro aeroportining vaqtinchalik yopilishi munosabati bilan hamda yo‘lovchilarga qulaylik yaratish maqsadida 2021 yil 20 oktyabrdan 20 noyabrga qadar “Qarshi — Samarqand — Qarshi” yo‘nalishida 772/771-sonli zamonaviy “Afrosiyob” poyezdi qatnovi yo‘lga qo‘yiladi. Bu haqda «O‘ztemiryo‘lyo‘lovchi» AJ ma’lum qildi.

Harakat jadvaliga ko‘ra, bir oy mobaynida “Qarshi — Samarqand” yo‘nalishida harakatlanadigan 772-sonli zamonaviy “Afrosiyob” poyezdi har kuni soat 12:20 da Qarshi temir yo‘l vokzalidan, shuningdek, “Samarqand — Qarshi” yo‘nalishida harakatlanadigan 771-sonli zamonaviy “Afrosiyob” poyezdi esa har kuni soat 14:30 da Samarqand temir yo‘l vokzalidan qatnovni amalga oshiradi.