Qashqadaryo viloyati Chiroqchi tumanidagi «Langar» MFY To‘laqul qishlog‘ida 1996 yilda tug‘ilgan Norxo‘jayev Jaloliddinning pichoqlangan murdasi topilgan. Bu haqda Kun.uz  xabar bermoqda.

Kun.uz manbasining xabar berishicha, marhum yigit mahalliy san’atkor hamda shu qishloqni chekkasida do‘kon yuritgan. 25 iyun kuni kechgi 23:00larda ko‘rganlar bor.

Murda 26 iyun kuni, ertalab soat 8-9lar atrofida uyi yaqinida topilgani aytilmoqda. Ko‘krak qismiga bir necha marta o‘tkir jism - pichoq bilan jarohatlangan. Manbaning ma’lumotiga ko‘ra, bolani cho‘ntagida pullari turgan, telefoni va jinoyat quroli topilmagan.

Hozircha huquq-tartibot organlari bu bo‘yicha hech qanday munosabat bildirmadi.