Bosh prokuratura huzuridagi Departamentning G‘uzor tuman bo‘limi tomonidan AT “Xalq banki” G‘uzor filialining murojaatiga asosan o‘tkazilgan tergovga qadar tekshiruvda, “K.D.” MChJ rahbari X. chorvachilikni rivojlantirish yo‘nalishida bank filialidan ajratilgan 800 mln so‘m imtiyozli kredit hisobiga xorijdan olib kelingan 33 bosh naslli chorva mollarini ko‘paytirish choralarini ko‘rmasdan, balki chorva mollarini sotuvidan tushgan mablag‘ni o‘z shaxsiy ehtiyojlariga sarflab, kredit mablag‘ini talon-toroj qilganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.