Qashqadaryo viloyati IIB Matbuot xizmatining xabariga ko‘ra, joriy yilning 1 yanvar kuni soat 13:00 larda Qashqadaryo viloyati Dehqonobod tumani hududidan o‘tuvchi M-39 "Termiz-Toshkent" avtomobil yo‘lida 31 yoshli haydovchi A.M. Cobalt’da yomg‘ir yog‘ayotganligini inobatga olmasdan tezlik bilan harakatlangan. Oqibatda, rul boshqaruvini yo‘qotib beton to‘siqqa urilgan.
Hodisa natijasida, haydovchi A.M. hamda ushbu avtomobilda bo‘lgan to‘rt nafar yo‘lovchi olgan og‘ir tan jarohatlari tufayli voqea joyida vafot etishgan.
Mazkur YTH yuzasidan Dehqonobod tumani IIB huzuridagi TB tomonidan dastlabki tergov harakatlari olib borilmoqda.