Mirishkorliklar joriy mavsumda ham ayni paytda pishib-yetilgan don mahsulotlarini nobud qilmasdan yig‘ib olish maqsadida Qashqadaryoda birinchilardan bo‘lib, yig‘im-o‘rim ishlarini boshladilar. Bu haqda Mirishkor tuman hokimligi Axborot xizmati xabar berdi.
Ma’lum qilinishicha, mavsum oldidan Mirishkor tumanida g‘alla yetishtirilayotgan hudud tuproq-iqlim sharoiti, mineral oziqlantirish darajasi va uni biologik xususiyatlarini hisobga olgan holda, navlarning to‘g‘ri tanlanishi, bug‘doy hosildorligini gektaridan bir necha sentnerga oshirish, ekish jarayoni bilan bog‘liq agrotexnik tadbirlarning o‘z vaqtida sifatli bajarilishi yuzasidan seminarlar o‘tkazilib, tayyorgarlik ko‘rilgan edi.
Joriy mavsumda tumandagi 1096 ta fermer xo‘jaliklari jami 24,0 ming gektar yer maydoniga g‘alla ekishgan.