Tojikiston va Qirg‘iziston prezidentlari vaziyatni telefon orqali muhokama qilib, may oyida uchrashishga kelishib oldilar.

Ayni paytda barcha turdagi qo‘shinlar va harbiy texnika doimiy dislokatsiya joylariga qaytmoqda.

▪️Fuqarolarning erkin harakatlanishi uchun yo‘llar ochilyapti.
▪️1 may kuni Botken viloyatida ikki mamlakat hukumatlararo komissiyalarining yig‘ilishi bo‘lib o‘tadi.

Emomali Rahmon va Sadir Japarovning shaxsiy aloqalari ularning Shavkat Mirziyoyev bilan suhbatlashganidan keyin bo‘lib o‘tdi. O‘zbekiston prezidenti tomonlarni vaziyatni normallashtirishga chaqirgan edi.

Avvalroq Toshkent Markaziy Osiyo mamlakatlari o‘rtasidagi do‘stona munosabatlarni mustahkamlash va barcha ziddiyat va kelishmovchiliklarni faqat oqilona murosa asosida hal qilishga bir necha bor chaqirgan.