29 mart 12:00 dagi ma’lumotga ko‘ra, Qirg‘izistonda koronavirus bilan bog‘liq yangi 26 holat qayd etildi. Bu haqda Sog‘liqni saqlash vazirligi vakili Kasimbek Mambetov xabar qildi.
Shunday qilib, Qirg‘izistonda koronavirusga chalinganlar soni 84 kishiga yetdi.
Yangi holatlar Jalolobod viloyatida (13), O‘sh viloyatida (6), Chuy viloyatida (2), Bishkek shahrida (4) va Norin viloyatida (1) qayd etildi.
Barcha bemorlar shifoxonaga yotqizildi. Hozirda ular bilan yaqin aloqada bo‘lgan shaxslar tekshirilmoqda.