Qishloq xo‘jaligi vazirining 2 nafar o‘rinbosari lavozimidan ozod etildi

Qishloq xo‘jaligi vazirining 2 nafar o‘rinbosari lavozimidan ozod etildi

"Qishloq xo‘jaligi vazirligi matbuot xizmatining ma’lum qilishicha, qishloq xo‘jaligi vazirining o‘rinbosari Saidkamol Xodjayev boshqa ishga o‘tgani munosabati bilan lavozimidan ozod qilingan"- deya  xabar bermoqda "Gazeta.uz".

Xodjayev 2018 yilning iyulida qishloq xo‘jaligi vazirining moliya  ishlari bo‘yicha o‘rinbosari lavozimiga tayinlangan. 2020 yilning sentyabr oyida esa vazirning oziq-ovqat sanoatini rivojlantirish bo‘yicha o‘rinbosari etib tayinlangan.

Bundan tashqari, qishloq xo‘jaligi vazirining fan, ta’lim va ishlab chiqarish integrasiyasini ta’minlash buyicha o‘rinbosari Botirjon Sulaymonov ham lavozimidan ozod qilingan.

Ma’lumotga ko‘ra, Botirjon Sulaymonov Toshkent davlat agrar universiteti rektori lavozimida qoladi. U 2020 yilning sentyabr oyida vazir o‘rinbosari lavozimiga tayinlangan edi.