Qozog‘istonning Aqmola viloyati Yereymentau tumanida qor bo‘ronida qolib ketgan yo‘lovchilar arqon bilan qutqarildi, deb xabar berdi Kazinform.
Yereymentau shahridan 10 km masofada, «Yereymentau-Torg‘ay» avtotrassasida qor bo‘ronida qolib ketgan 7 ta avtomobilning 20 nafar yo‘lovchisi qutqarildi.
Ko‘rish imkoniyati juda past bo‘lganligi sababli qutqaruvchilar ularga arqon ushlatib, evakuatsiya uchun maxsus yuborilgan o‘t o‘chirish mashinasi va maxsus texnikalarga olib kelishgan.