"Oqtau — Urganch — Oqtau" yo‘nalishi bo‘yicha Qozog‘istonning "SCAT" aviakompaniyasiga tegishli Boeing 737-300 rusumidagi havo kemasi bugun mahalliy vaqt bilan soat 7.00da Urganch xalqaro aeroportiga kelib qo‘ndi. Bu haqda "Uzbekistan airports" AJ axborot xizmati xabar berdi.
Oqtau shahridan 7 nafar yo‘lovchini vohaga keltirgan samolyot Aeroport rahbariyati, Xorazm viloyati hokimligi, viloyat Transport boshqarmasi, viloyat Madaniyat boshqarmasi tomonidan yomg‘irli favvora yordamida tantanali kutib olindi.
Mutaxassislar fikricha, mazkur aviaqatnov endilikda haftaning dushanba va chorshanba kunlari amalga oshiriladi.
Ma’lumot o‘rnida: samolyot soat 8.00da 145 nafar yo‘lovchini olib, yana o‘z manzili tomon parvoz qildi