Ravshan Mahammadjonov WBC kamarini qo‘lga kiritdi

Ravshan Mahammadjonov WBC kamarini qo‘lga kiritdi

Moskva shahridagi professional boks oqshomida o‘zbekistonlik yosh charm qo‘lqop ustasi Ravshan Mahammadjonov ringga ko‘tarildi.

Hamyurtimizning bu safargi jangi 23 yoshgacha bo‘lgan bokschilar o‘rtasidagi WBC kamari (birinchi o‘rta vazn) uchun tashkil etildi.

Ushbu bahsda bokschimizga ukrainalik Volodimir Gordiyenko raqiblik qildi.

Qayd etish joiz, Ravshan ikkinchi raundda o‘tkazib yuborilgan zarba natijasida nokdaun holatiga tushib qoldi. Sakkiz raundga mo‘ljallangan jang to‘liq davom etdi. Yakunda g‘olib ochkolar hisobiga ko‘ra aniqlandi. Quvonarlisi yakunda har uchchala hakam ham bokschimizning g‘alabasini (77-74, 77-74, 76-75) qayd etdi.

Shu tariqa, Mahammadjonov birinchi o‘rta vazn toifasida WBC Youth kamarini qo‘lga kiritdi.