4-5 avgust kunlari Rossiyadan kelgan 4600 dan ortiq O‘zbekiston va Qirg‘iziston fuqarolari tranzit yo‘lagi orqali Qozog‘iston hududidan o‘tishdi, deya xabar beradi Kazinform muxbiri.

«27 iyul va 3 avgust kunlari Qirg‘iziston va O‘zbekiston tomonlari bizdan o‘z fuqarolarini Rossiya Federatsiyasidan evakuatsiya qilish uchun tranzit yo‘lagini taqdim etishni so‘rashgandi.

Bu masala ijobiy hal etildi. 4-5 avgust kunlari Rossiyadagi 2435 Qirg‘iziston fuqarosi bo‘lgan 40 dan ortiq avtobus Qozog‘iston orqali Qirg‘izistonga o‘tdi. 2,2 ming nafar O‘zbekiston fuqarolarining tranziti O‘zbekiston tomoni taqdim etgan temir yo‘l transporti orqali amalga oshirildi», - deya ma’lum qildi Qozog‘iston TIV matbuot xizmati.680077