Rossiya davlat statistika qo‘mitasining ma’lumotlariga ko‘ra, Rossiyada oilaviy ajrimlar soni kamaygan. Bunga asosiy sabab daromadlarning kamayganidir. Bu haqda «Izvestiya» gazetasi xabar bermoqda.
Statistikaga ko‘ra, Rossiya bo‘yicha 2019 yilda 1000 ta nikohga 619 ta ajralish to‘g‘ri kelgan.
Bu 2018 yilgi holatdan 12 foizga yaxshidir. O‘tgan yili 1000 ta nikohga 705 ta ajralish to‘g‘ri kelgan.
Eng ko‘p oilaviy ajrimlar Leningrad (889 ta) va Saxalin (878) viloyatlariga to‘g‘ri kelgan.
Aholisi musulmon bo‘lgan o‘lkalarda oilaviy ajrimlar nisbati ancha kam: Checheniston (147 ta), Ingushetii (197 ta), Dog‘iston (278 ta).