Rossiyada o‘n yil avval odam o‘ldirgan O‘zbekiston fuqarosi qo‘lga olindi
4.11.2021 19:00,
321
Ufada politsiya federal qidiruvga berilgan muhojirni qo‘lga oldi, deb xabar berdi «78.ru».
Ma’lumotlarga ko‘ra, 2011 yilning may oyida Leningrad viloyatining Kirishi shahrida asli o‘zbekistonlik erkakni o‘ldirgan.
Tergovchilar aniqlaganidek, u jabrlanuvchini mashinasiga o‘tqazib, Kirishi-Smolino trassasiga chiqib ketgan. O‘sha yerda kimsasiz joyda to‘xtab, yo‘lovchisini pichoq bilan urgan.
Qayd etilishicha, qotil 10 yildan beri qidirilmoqda. Unga 15 yilgacha qamoq jazosi berilishi mumkin.