Butunrossiya jamoatchilik fikrini o‘rganish markazi (VSIOM) rossiyalik ayollarga qanday erkaklar yoqishini o‘rgandi. Bu haqda RIA Novosti xabar bermoqda.

Olingan natijalarga ko‘ra, respondentlarning 69 foizi yuzi silliq qirilgan erkaklarni, 22 foizi yengil o‘sgan soqolni, 11 foizi kalta soqolni, 9 foizi mo‘ylovni afzal ko‘rishini aytgan, 7 foizi uchun buning ahamiyati yo‘q.

Soqol qo‘yuvchilarning 93 foizi uni hech qachon uzun o‘stirmaganini aytgan. So‘rovnomada qatnashgan 35 foiz erkaklar soqolni dangasalik sababli olmasligini, 30 foizi odatga ko‘ra soqol o‘stirishini ta’kidlagan.

Rossiyada eng mashhur soqollilar Marks (24%), Tolstoy (19%) va Lenin (13%) ekanligi ham ma’lum bo‘ldi.