Urush paytida rus bosqinchi kuchlarining insoniy yo‘qotishlari taxminan 15 ming kishidan oshib ketdi. Bu haqda Ukraina Qurolli Kuchlari Bosh shtabi ma’lum qildi.

Xususan, 24 fevraldan 22 martgacha dushman shaxsiy tarkibining umumiy jangovar yo‘qotishlari 15,3 mingga yaqin kishini tashkil etmoqda.

Qayd etilishicha, urush boshlanganidan buyon Rossiya armiyasi 509 ta tank, 1556 ta zirhli jangovar texnika, 252 ta artilleriya tizimi, 80 ta yalpi hujum raketa tizimlari, 45 ta havo mudofaa tizimi, 99 ta samolyot, 123 ta vertolyot, 1000 ta avtomobil texnikasi, 3 ta kema/qayiqni, yoqilg‘i-moylash materiallari bo‘lgan 70 ta rezervuar, 35 ta tezkor-taktik darajadagi dron va 15 ta maxsus texnikani yo‘qotgan.