Samara-Chimkent trassasida qolib ketgan o‘zbekistonliklar qutqarildi
12.02.2020 14:31,
94
Qozog‘istonning Aqto‘be viloyatida politsiyachilar va favqulodda vaziyatlar departamenti xodimlari Samara–Chimkent trassasida qolib ketgan o‘zbekistonliklarga yordam berdi, deb xabar berdi Kazinform muxbiri.
Bugun tonggi 7:00 chamasida Aqto‘be viloyati, Ayteke bi tumani, Belqopa ovuli yaqinida Samara–Chimkent trassasida mikroavtobus buzilib to‘xtab qolgan.
«Avtobusda 21 nafar odam bo‘lgan. Shundan ikki nafari ayollar. Ularning hammasi Chimkentdan yo‘lga chiqib, Moskvaga borayotganlardir. Hammasi – O‘zbekiston fuqarolari. Politsiya va favqulodda vaziyatlar departamenti xodimlari ularni Qarabutaq ovulidagi kempingga eltib qo‘yishdi», - dedi viloyat PD matbuot xizmati boshlig‘i Yerbolat Sarqulov.