Telegram ijtimoiy tarmoqlarda “Samarqand-Qarshi” yo‘lining Nurobod tumanidan o‘tuvchi qismida o‘nlab avtomobillar to‘qnashuvi yuz berganligi bo‘yicha video tarqaldi. Videoda o‘nlab avtomobillar ishtirokida yo‘l-transport hodisasi yuz berganligini ko‘rish mumkin.
Hozircha hodisa natijasida jabr ko‘rganlar to‘g‘risida ma’lumot yo‘q. Ushbu voqeadan biroz avval Respublika IIV YHXBB Axborot xizmati O‘zbekiston hududi bo‘ylab qor yog‘ishi va avtomobil yo‘llarida muzlamalar hosil bo‘lishi sababli yo‘l-transport hodisalari sodir etilishi mumkinligi haqida ogohlantirgan edi.