Samarqandda avtobus haydovchisi yo‘lovchilar hayotini xavf ostiga qo‘yib harakatlangani aytilgan xabar va holat aks etgan video tarqaldi. Mazkur holat Samarqand viloyati IIB YHXB xodimlari tomonidan o‘rganilib, 14 oktyabr kuni soat 11:30 larda Samarqand shahrining Amir Temur ko‘chasida yuz bergani aniqlandi.

Ma’lum qilinishicha, Isuzu rusumli yo‘lovchi tashuvchi avtobus avariya holatini yuzaga keltirishi mumkin bo‘lgan qoidabuzarliklar sodir etib, qarama-qarshi yo‘nalishda harakatlangan.

Tekshiruv mobaynida haydovchining me’yoriy hujjatlari to‘liq emasligi, transport vositasiga ruxsat etilmagan jihoz (ovoz kuchaytitgich) o‘rnatilgani ma’lum bo‘lgan va belgilangan tartibda ma’muriy bayonnoma tuzilib, avtobus vaqtincha saqlash uchun jarima maydoniga joylashtirilgan.