Vazirlar Mahkamasi huzuridagi Din ishlari bo‘yicha qo‘mita matbuot xizmatning ma’lum qilishicha, 2019 yil 26 noyabr kuni Andijon viloyatida joylashgan turistik firmalardan biri tomonidan Jidda shahriga borgan 14 nafar o‘zbekistonlik vatandoshimizning vizasi qalbaki bo‘lib chiqdi.

Qo‘mita xabarida aytilishicha, ushbu tur firma 14 nafar yurtdoshimizga qalbaki vizalarni rasmiylashtirgan. Saudiya Arabistoni chegara xizmati tomonidan ularning vizasini bekor qilinib, mamlakatga kiritilmasdan deportatsiya qilindi.

Shuningdek, Jidda shahridagi Bosh konsulxona 27 noyabr kuni “Jidda-Toshkent” aviaqatnovi bilan yuqoridagi 14 nafar fuqaro O‘zbekistonga qaytardi.

Shuningdek, Din ishlari bo‘yicha qo‘mita fuqarolarga hukumat tomonidan tashkil etilayotgan “Umra ziyorati”dan foydalanishni tavsiya qilgan.

Mavzuga doir:

^{Din ishlari bo‘yicha qo‘mita Umradan foyda ko‘rmasligini aytib, blogerlarga nasihat qildi}

^{Sayyohlik firmasi direktori 1100 dollarga sifatli Umra ziyoratini uyushtirish mumkinligini iddao qildi}