Saudiya Arabistoni 17 may kuni chegaralarini ochadi va o‘z fuqarolarining chet elga sayohatiga qo‘yilgan cheklovlarni bekor qiladi.

Bu haqda Qirollik ichki ishlar vazirligi ma’lum qildi. Rasmiy idora xabariga ko‘ra, boshqa davlatlar bilan suv, quruqlik va havo aloqasi 17 may kuni mahalliy vaqt bilan soat 01: 00dan boshlab tiklanadi.

Cheklovlar bir oydan ko‘proq vaqt oldin koronavirus bilan kasal bo‘lganlar, vaksina olganlar, shuningdek, tibbiy sug‘urta polisi bo‘lgan 18 yoshgacha bo‘lgan fuqarolar uchun bekor qilinadi.

Saudiya Arabistoniga kelgan chet el fuqarolari esa ikki haftalik karantindan o‘tishlari kerak bo‘ladi.