Shavkat Mirziyoyev qachon Rossiyaga tashrif buyurishi ma’lum bo‘ldi
14.11.2021 22:24,
479
Rossiya prezidenti Vladimir Putin kelasi hafta O‘zbekiston prezidenti Shavkat Mirziyoyev bilan muzokaralar o‘tkazadi. Bu haqda “Rossiya 1” telekanali xabar qilmoqda.
“Rossiyaga Putin bilan muzokaralar o‘tkazgani O‘zbekiston prezidenti kelmoqda. Bu Shavkat Mirziyoyevning mamlakatda yaqinda bo‘lib o‘tgan saylov va unda g‘alaba qozonganidan keyingi birinchi xorijiy safari ekanini inobatga olgan holda o‘ta muhim voqea”, - deya ma’lum qilindi “Moskva. Kreml. Putin” ko‘rsatuvida.
Qayd etish joizki, Mirziyoyevning Rossiyaga tashrifi aynan qaysi kunlari amalga oshirilishiga aniqlik kiritilmagan.