O‘zbekiston Gidrometeorologiya xizmati xabariga ko‘ra, O‘zbekistonda aprel oyi ob-havoning beqarorligi bilan ajralib turadi. Odatda momaqaldiroq va shiddatli shamol bilan yomg‘ir tez-tez yog‘adi. Respublikaning shimoli, janubining eng chekkasi va cho‘l hududlarida oy uchun o‘rtacha 5 kundan 8 kungacha, tog‘larga yaqinroq hududlarda 9-13 kungacha yog‘ingarchilik bo‘ladi.
O‘zbekistonda meteorologik kuzatuvlar tarixi davomida turli xil aprel oylari kuzatilgan. Ekstremal quruq yoki yog‘ingarchilik umuman bo‘lmagan yoki ularning oylik miqdori me’yordan 10% dan ko‘p bo‘lmagan. Bir oy davomida yog‘ingarchilik me’yordan 3-5 marta ko‘p bo‘lgan.
Shunday qilib, Toshkentda 1975 yilning aprel oyi eng quruq yil bo‘lgan. Yog‘ingarchilik atigi ikki marta yog‘gan va ularning miqdori 2 mm ni tashkil etgan, bu aprel oyi me’yorining 3 % ini tashkil etadi. 1990 yilning aprel oyi eng nam yil, bunda bir oyda yog‘ingarchilik oylik me’yordan 300% atrofida bo‘lgan, yog‘ingarchilik kuzatilgan kunlar soni 19 kunni tashkil etgan.
Meteorologik kuzatuvlarning butun tarixida kecha-kunduz uchun yog‘ingarchilik bo‘yicha rekordchi 2009 yilning 8 aprel kuni bo‘lgan. Ushbu kunda Toshkentda 65 mm yomg‘ir yog‘gan, bunda aprel oyining oylik me’yori 62 mm ni tashkil etgan.
Odatda aprel oyining harorat foni ham beqaror bo‘ladi. Havoni jadal isishi, qisqa muddatga haroratni sovuq darajasigacha pasayishi, deyarli sovuq bilan almashinishi mumkin. O‘zbekiston aholisi o‘tgan yilgi aprel oyining birinchi o‘n kunligi oxirida qor yog‘ganini, bunday qor hatto qishda ham yog‘maganini eslasa kerak.
Sinoptiklar prognozlariga ko‘ra, bu yilning aprel oyi iliq bo‘ladi, hududlarning ko‘p qismida odatdagidan 1-2° ga iliqroq bo‘ladi.
Yakshanba kuni 4 aprelda va dushanbaga o‘tar kechasi O‘zbekiston hududi bo‘yicha yomg‘ir yog‘ib o‘tdi, tog‘ oldi va tog‘li hududlarda kuchli bo‘ldi, baland tog‘larda yomg‘ir qorga aylandi.
Bugungi kundan boshlab va oyning o‘rtasigacha respublika bo‘yicha asosan yog‘ingarchiliksiz ob-havo bo‘lishi kutilmoqda.
Havo harorati kechalari 6-11° iliq, kunduz kunlari 19-24° iliq atrofida bo‘ladi. Respublikaning shimoliy, janubiy va cho‘l hududlarida oyning birinchi o‘n kunligida havo harorati kunduz kunlari 26-29° gacha ko‘tariladi.
Oyning ikkinchi o‘n kunligida harorat kechalari 10-15° iliq atrofida, kunduz kunlari esa harorat 20-25° iliqdan 25-30° gacha o‘zgarib turadi.
Umuman olganda, joriy yilning aprel oyida yog‘ingarchilik me’yordan kam bo‘lishi kutilmoqda, ammo ba’zi kunlarda shiddatli yomg‘ir yog‘ishi mumkin. Kuchli toshqin yomg‘irlar respublikaning tog‘ oldi va tog‘li hududlarida sel toshqinlarni vujudga keltirishi mumkin, baland tog‘larda qor ko‘chishi xavfi saqlanib turadi.