Sirdaryo viloyatida besh kunlik chaqalog‘ini 5 ming dollarga sotayotgan ona qo‘lga olingani xabar qilingandi. Oliy sud unga nisbatan sud hukmi o‘qilganini ma’lum qildi.

Qayd etilishicha, 2021 yilning 8 oktyabrida B.S. ismli ayol qiz farzand tug‘gan. So‘ng uni sotish niyatida xaridor izlagan.
13 oktyabr kuni esa Sirdaryo viloyati Ichki ishlar boshqarmasi tezkor tadbir o‘tkazgan. Unda B.S. tadbirga xaridor sifatida jalb etilgan IIB xodimiga chaqaloqni topshirib, undan kimyoviy ishlov berilgan 5 ming dollarni olgan vaqtda ushlangan.

Unga nisbatan besh yil muddatga ozodlikdan mahrum qilish jazosi tayinlangan. Voyaga yetmagan bola vasiylik organlariga topshirilgan.