Sirdaryo viloyatining Boyovut tumani hokimi Dilfuza O‘rolova tumanning turli mahallalaridagi jami 866 tup daraxtni kesishga ruxsat berdi. Hujjatga ko‘ra, daraxtlar tabiiy zararkunandalar ta’sirida qurib qolgan.

2021 yil 4 oktyabrdagi qarorga (barcha hujjatlarda ushbu sana qayd etilgan) muvofiq, Sirdaryo Yo‘l Ko‘klam MChJ talabi qanoatlantirilgan va 4R-30 avtomobil yo‘lining ikki tomonida joylashgan 8 turdagi 828 tup daraxtni kesishga ruxsat berilgan. Kompaniya va tuman obodonlashtirish boshqarmasiga har bir kesilgan daraxt o‘rniga 10 ta ekish majburiyati yuklatilgan.

Bundan tashqari, tuman rahbari shu kuni yana 11 ta hujjatni imzolaganva «Markaz», «Ziyokor» va «Sohil» mahallalarida — 5 tupdan, «Madaniyat» mahallasida — 7 tup, «Farhod» mahallasida 16 tup daraxtni kesishga ruxsat bergan.

Holat bo‘yicha tuman hokimligi munosabatida qarorlar Sirdaryo viloyati Ekologiya va atrof-muhitni muhofaza qilish boshqarmasi xulosasi asosida qabul qilingani qayd etilgan.