Joriy yilning 24 may kuni soat 13-30 larda Sirdaryo viloyati IIB TXTB navbatchilik qismiga kelib tushgan xabarga ko‘ra, «Xovos-Toshkent» yo‘nalishidagi yo‘lovchi elektropoyezdi Xovos aylanma yo‘lining 2 km 6 piketida 25-30 yoshlar atrofidagi shaxsi noma’lum ayol kishini urib yuborganligi to‘g‘risida xabar kelib tushgan.

Olib borilgan tezkor surishtiruv ishlari natijasida ushbu ayol 1999 yilda tug‘ilgan Xovos tumani Gulbahor MFYda yashagan T.Sh. ekanligi hamda o‘zining ehtiyotsizligi oqibatida elektropoyezd urib yuborganligi aniqlangan. Ayol tanasi ikkiga bo‘linib, oqibatda voqea joyida vafot etgani aytilmoqda.