AQSh milliy havfsizligi agentligi sobiq xodimi Edvard Snouden yuqori martabali davlat amaldorlariga Whatsapp messendjeridan foydalanmaslikni tavsiya qildi. Bu haqida France Inter xabar berdi.
Snouden ushbu ilovadagi malumotlar begona qo‘llarga tushib qolish ehtimoli borligini takidladi, chunki ilova foydalanuvchilari ma’lumotlarini yomon shifrlaydi.
“Hukumatdagi jiddiy masalalar bilan shug‘ullanadigan kishilar Whatsappdan foydalanishi xato”, — dedi Snouden.
Uning so‘zlariga ko‘ra, Whatsapp va Telegram orqali malumotni uzatish SMSdan ko‘ra yaxshiroq, biroq bu dasturlar baribir “o‘ta xavflidir”.
Eslatib o‘tamiz, Snouden 2013 yilda AQSh milliy xavfsizligi agentligi ma’lumotlarini oshkor qilishda ayblangandi. U o‘sha vaqtdan buyon Moskvada yashaydi.