Sog‘liqni saqlash vazirligi aholiga energetik ichimliklarning zarari haqida eslatdi.

Ma’lumotlarga ko‘ra, O‘zbekistonda bu sohada qonunchilik cheklovlari mavjud. Xususan, mamlakatda 18 yoshga to‘lmagan shaxslarga ichimliklar sotishga ruxsat berilmaydi. Shuningdek, soat 07:00 dan 22:00 gacha ushbu mahsulotlarni reklama qilish taqiqlangan.

Mutaxassisning fikricha, yuqori konsentratsiyali energetik ichimliklar tarkibida ko‘p miqdorda kofein va taurin mavjud. O‘z navbatida, bir kishi uchun taurinning kunlik iste’moli 400 mg ni tashkil qiladi, ammo ba’zi ichimliklar tarkibida bu ko‘rsatkich ikki baravar yuqori, bu tanaga salbiy ta’sir qiladi.