Xalq ta’limi vazirligi matbuot xizmati ma’lum qilishicha, qo‘shimcha ta’til kunlari maktablarda faoliyat yuritayotgan pedagog va boshqa xodimlarga amaldagi ish haqi to‘lovlari saqlangan holda to‘lab boriladi.

Qishki ta’tilning uzaytirilishi yozgi ta’til vaqtining kechikishiga sabab bo‘lmaydi. Qo‘shimcha ta’til davrida o‘tilishi kerak bo‘lgan mavzular boshqa kundagi darslarga qo‘shib o‘tiladi.

Bunda mavzular tig‘izlashtirilgan xolda o‘tiladi, bu buyicha maktablarga qo‘shimcha tavsiyalar beriladi. Shu sababli uchinchi chorak o‘quv kunlari 1−4-sinflarda 9 kun, 5−11-sinflarda 11 kunga qisqaradi.

Ta’til tugagunga qadar o‘quvchilarni bevosita maktablarda tashkil etadigan to‘garaklar, shuningdek, «Barkamol avlod» bolalar maktablarining tarmoq to‘garaklari va har qanday tadbirlarga jalb etish taqiqlanadi.