Ijtimoiy tarmoqlarda metro vagonlarida tilamchilik qilayotganlar ustidan shikoyat bildiruvchilar ko‘payib qoldi. Metro ma’muriyati bu bilan kurashishga va’da berdi.
“Toshkent metropoliteni” har qanday fuqaro metropolitenda yo‘lovchi sifatida haratlanishi mumkinligini ma’lum qilgan. Lekin, O‘zbekistonda tilamchilik qilish qonunga ko‘ra taqiqlab qo‘yilgan.
Hozirda shunday holatlar bilan kurashish bo‘yicha zarur choralar ko‘rilyapti. Huquq tartibot organlari xodimlari tilamchilikka qarshi tezkor proflilaktik tadbirlarni amalga oshiradi, – deyiladi ma’muriyat axborotida.