O‘zgidromet xabariga ko‘ra, Toshkentda havoning ifloslanish darajasi o‘tgan kunlarga nisbatan pasayishni boshlagan.
7 noyabr soat 11:00 holatiga ko‘ra, Toshkent havosining ifloslanish darajasi normal deb qabul qilingan konsentratsiyadan 3,3 barobar oshiq bo‘lgan.
Shamol yo‘qligi va avtotransport vositalarining kamligi tufayli havo sifati kun davomida o‘zgarishi mumkin.
Toshkentda 4 noyabrdan boshlab kuchli chang va qum bo‘roni kuzatilgan edi. O‘zgidromet poytaxt havosidagi chang miqdori 30 barobargacha ko‘tarilganini ma’lum qilgan edi.
Chang bo‘roni tufayli “Tez yordamga” qo‘ng‘iroqlar soni ham oshib ketdi. Ko‘pchilik nafas siqishi bilan murojaat qilgan.