«Toshshahartransxizmat» aksiyadorlik jamiyati Toshkent shahridagi jamoat transportlarida karantin qoidalari kuchaytirilishini ma’lum qildi. Bu haqda «Zamon» informatsion dasturida xabar berildi.

Xabarga ko‘ra, so‘nggi kunlarda mamlakatda koronavirusga chalingan bemorlar soni ortib borayotgani sababli «Toshshahartransxizmat» AJ jamoat transportlarida bir qator cheklovlar joriy qilmoqda. Qayd etilishicha, haydovchilarning tana haroratlari doimiy nazoratga olinadi, dezinfeksiya ishlari yanada kuchaytiriladi. Shuningdek, endilikda niqobsiz yo‘lovchilar jamoat transportlariga chiqarilmaydi.