Toshkent viloyatida yosh yigit pul so‘rab haydovchini armatura bilan urib o‘ldirdi. Bu haqda Oliy sud matbuot xizmati xabar berdi.

Ma’lumotlarga ko‘ra, 2020 yil 5 yanvar kuni mast yigit armatura bo‘lagi va pichoq bilan qurollangan. Keyin avtovokzalga borib, «Cobalt» rusumli avtomashinaning haydovchisini topib, Farg‘onaga safar uyushtirgan. Yigit Toshkent-Farg‘ona yo‘nalishi bo‘yicha ketayotib, do‘stidan biror narsa olish kerakligini aytib, haydovchidan to‘xtashni so‘ragan. Bu Angren daryosi yaqinida sodir bo‘lgan. Haydovchi to‘xtagach, yigit uning boshiga temir bo‘lagi bilan bir necha marta urib, kaltaklangan erkakning 325 ming so‘m puli va «Samsung A3» telefonini o‘g‘irlab ketgan.

Yigit shu bilan to‘xtab qolmagan va haydovchidan barcha pullari qayerdaligini so‘ray boshlagan. Kaltaklangan erkak boshqa puli yo‘qligini aytadi, shundan so‘ng uning boshiga yigit tomonidan yana armatura bilan urilgan va bu uning o‘limiga sabab bo‘lgan.

Hujumchi jasaddan qutulib, mashinani qon va izlardan yuvish orqali jinoyat izlarini yashirishga uringan, ammo huquq-tartibot idoralari xodimlari tomonidan ushlangan.

Yigit 19 yilga ozodlikdan mahrum etildi.