Toshkentda fuqaro o‘ziga tegishli Mercedes Benz avtomobilini shahar hokimligiga berdi. Bu haqda Toshkent shahar hokimining tegishli qarori qabul qilingan.
Qarorda keltirilishicha, Toshkent shahar hokimligi ishlar boshqarmasi va fuqaro Latipova Ziyoda Baxromovnaga tegishli Mercedes Benz S500 HYBRID rusumli, davlat raqami 01M798NV bo‘lgan qora rangli yengil avtotransport vositasini Toshkent shahar hokimligi tasarrufiga ixtiyoriy ravishda beg‘araz (tekinga) berish taklifi ma’qullandi.
"Avtomobil texnik ko‘rikdan o‘tkazilib, samarali foydalanish choralari ko‘rilsin", - deyiladi qarorda.