Ijtimoiy tarmoqda tarqalgan, "Nexia-3" avtomobili haydovchisi ikki nafar piyodani urib yuborgani bo‘yicha ma’lumot berildi.
2022 yil 21 mart kuni soat 10:25 larda, Toshkent shahar, Shayxontohur tumanida haydovchi, 1990 yilda tug‘ilgan A.I. Olmazor ko‘chasi bo‘ylab "Nexia-3" rusumli avtomobilda harakatlanayotib, ushbu ko‘chadagi tartibga solinmagan piyodalar o‘tish joyidan yo‘lni kesib o‘tayotgan ikki nafar piyodani urib yuborgan.
Natijada, piyodalar N.G‘. va M.A.lar yengil tan jarohati bilan shifoxonaga murojaat qilgan.
Holat Toshkent shahar IIBB YHXB xodimlari tomonidan rasmiylashtirilgan.
Hozirda surishtiruv davom etib, tegishli hujjatlar to‘planmoqda.