Toshkentda radar o‘rnatishga mo‘ljallangan 1 ta joy qariyb 3,5 milliard so‘mga sotildi
12.08.2021 16:07,
556
Xabaringiz bor O‘zbekistonda radar o‘rnatish joylari tadbirkorlarga auksion orqali sotilishi yo‘lga qo‘yildi.
Ma’lum bo‘lishicha, poytaxtdagi eng qimmat radar o‘rnatish joyi sotuvga qo‘yilgan va bir necha mililard so‘mga sotilgan. Ta’kidlanishicha, H. Olimjon – A. Qodiriy (yo‘l o‘tkazgich) chorrahasida o‘rnatiladigan radar 36,5 mln so‘mga baholanib, sotuvga qo‘yilgan.
Savdolar vaqtida uning narxi 3 mlrd 496 mln so‘mgacha oshirilgan. Qo‘shimcha qilinishicha, O‘zbekistonda hali bu narxda radar o‘rnatish joyi sotilmagan.
Auksionda TECH AGE XT MChJ kompaniyasi g‘olib bo‘lgan.