16 fevral kuni  Toshkentdagi “O‘zbekiston” mehmonxonasining tungi yoritish chiroqlari yordamida «Birlik kuni muborak bo‘lsin, Ukraina!» deb yozildi.

Ma’lumot uchun, Bayden Rossiya Ukrainaga 16 fevralda hujum qilishini ma’lum qilgandi, Zelenskiy esa bu kunni «Ukraina birligi kuni» deb e’lon qilgan.

Avvalroq, Vladimir Zelenskiy ukrainaliklarga televideniya orqali murojaat qilgan edi.

Zelenskiy: «16 fevral hujum kuni deb belgilashmoqda. Biz buni birlik kuni sifatida qarshi olamiz. Tegishli farmon allaqachon imzolangan. Shu kuni davlat bayroqlarimizni ko‘tarib, ko‘k va sariq lentalarni taqib, birdamligimizni butun dunyoga namoyish etamiz.

Bizda birgina Yevropaga xos istak mavjud: biz erkinlik istaymiz va buning uchun kurashishga tayyormiz. Biz hammamiz baxtli yashashni xohlaymiz va baxt kuchlilarni sevadi. Biz hech qachon taslim bo‘lmaganmiz va bo‘lmoqchi ham emasmiz.

Ukrainani seving! Biz tinchmiz! Biz kuchlimiz! Biz birgamiz!‌‌»