Hozirgina ZF-UZ-VAC2001 vaksinasining yana 1 million dozasi yurtimizga olib kelindi. Bu haqda Sog‘liqni saqlash vazirligi xabar berdi.
Shunday qilib, yurtimizga keltirilgan jami vaksina 14 million 580 ming 60 dozani tashkil qilmoqda.
Ulardan:
- 370 ming dozasi «Sputnik V»,
- 710 ming dozasi AstraZeneca,
- 10,5 million dozasi ZF-UZ-VAC2001,
- 3 million 60 dozasi Moderna vaksinasidir.
Eslatib o‘tamiz, shu kunga qadar 9 million dozadan ortiq vaksina emlash jarayonlarida foydalanildi. Shuningdek, kecha emlashlar miqdori 426 ming dozadan ortib, kunlik vaksinatsiya bo‘yicha rekord o‘rnatildi.