Qozog‘istonning Turkiston viloyati hokimi O‘mirzaq Sho‘keyev viloyat markazida xalqaro aeroport va magistral yo‘l qurilishi bilan tanishdi, deb xabar beradi Kazinform muxbiri.

Shahardan 16 km masofada joylashgan aeroport xalqaro standartlar va zamonaviy qurilish texnologiyalari asosida qurilmoqda.

Turkiyaning «YDA Group» kompaniyasi tomonidan qurilayotgan Turkiston xalqaro aeroporti yil oxirigacha foydalanishga topshirilishi rejalashtirilgan.

Ayni paytda 300 dan ortiq quruvchi 102 ta maxsus texnika qurilish maydonchasida doimiy ravishda ishlamoqda. Aeroport 900 gektar maydonni egallaydi. Hozirda terminallar, uchish-qo‘nish yo‘laklari va boshqa inshootlar jadal qurilmoqda.

Aeroportgacha boradigan yo‘lning umumiy uzunligi 16,3 km. Aeroportda yiliga 3 million yo‘lovchiga xizmat ko‘rsatish rejalashtirilgan.

Soha mutaxassislarining ta’kidlashicha, mintaqada turizm salohiyatini oshirish uchun maxsus dastur ishlab chiqilgan. Ko‘hna shaharga tashrif buyuruvchi turistlar sonini 2025 yilga kelib 5 millionga yetkazish rejalashtirilgan. Shu maqsadda xalqaro aeroportdan har ikki kunda Turkistondan Makkaga to‘g‘ridan-to‘g‘ri reys ochilishi rejalashtirilgan.