Joriy yilning 2 iyun kuni soat 10:00larda Samarqand viloyati, Urgut tumani, Omonqo‘ton mahallasi hududidan o‘tuvchi M-39 avtomobil yo‘lining 1031-kilometrida harakatlanib ketayotgan «Gazel» rusumli yuk avtomobilning «radiator» suvi qaynab ketganligi bois haydovchi tik balandlikda to‘xtagan.

Haydovchi qo‘l tormozini ko‘tarib suv olish uchun avtomobildan tushgan vaqtida, transport vositasi harakatlanib jarlikka tushib ketgan.

Hodisa natijasida avtomobilga texnik zarar yetgan. Tan jarohati olganlar yo‘q. Bu haqda IIV YHXBB Axborot xizmati xabar berdi.

Mazkur holat yuzasidan Urgut tumani IIO FMB YHXB tomonidan surishtiruv ishlari olib borilmoqda.