Joriy yilning 8 iyun kuni soat 12:00 larda, Toshkent shahar, Chilonzor tumani, Bunyodkor ko‘chasi, 2-darajali yo‘lda haydovchi, 1989 yilda tug‘ilgan O.I. "Spark" rusumli avtomobilda harakatlanib ketayotgan vaqtida yo‘lning o‘ng tomonida olib borilayotgan demontaj ishlari sabab reklama banneri yo‘l tomonga qulab avtomobilga zarar yetkazgan. Hodisada tan jarohati olganlar yo‘q.
Mazkur hodisa yuzasidan tegishli hujjatlar rasmiylashtirilib, hozirda Toshkent shahar IIBB YHXB mas’ul xodimlari tomonidan qo‘shimcha surishtiruvlar olib borilmoqda. Holat o‘rganilib, belgilangan tartibda ko‘rib chiqilishi ta’minlanadi.