Kelgusi 20 yilda Shinjon janubidagi uyg‘urlar va boshqa etnik ozchilik millat vakillarining tug‘ilishi yiliga 2,6 mlndan 4,5 mlngacha kamayib ketishi mumkin. Bunga Xitoy siyosati sabab, deydi germaniyalik tadqiqotchi Adrian Zenz.

Shinjonda 2017–2019-yillarda uyg‘urlarning tug‘ilish ko‘rsatkichi 50,1 foiz pasaygan.

Uyg‘ur ishchilarini boshqa hududlarga ko‘chirish, oilalarni ayirish, taxminan 1 mln uyg‘urni qayta tayyorlash lagerlariga joylashtirish orqali Xitoy uyg‘urlarni demografik nazorat qilyapti. Bu siyosat – tug‘ilish ko‘rsatkichiga ta’sir ko‘rsatadigan uzoq muddatli reja, deb hisoblaydi Adrian.

Uyg‘urlar hozir 9,5 mln atrofida. Tug‘ilish nazorati olib borilsa, ular 2040-yilda atigi 8,6–10,5 mln bo‘lishi mumkin. Tadqiqot e’lon qilingach, Xitoy hukumati Zenzni "yolg‘on axborot tarqatishda" aybladi.