Xalq deputatlari Xonobod shahar Kengashining navbatdan tashqari sessiyasida Andijon viloyati Xonobod shahar hokimi lavozimiga Tajibayev Mash’al Xurmamatovich tayinlandi.

Tajibayev Mash’al Xurmamatovich 1984 yilda Andijon shahrida tug‘ilgan. 2007 yilda Toshkent arxitektura qurilish institutini tamomlagan.

Mehnat faoliyatini 2003 yili Andijon pudrat savdolarini tashkil etish va o‘tkazish Andijon viloyat boshqarmasi mutaxassisi vazifasidan boshlagan.

2004-2010 yillarda Qurilishda tanlov savdolari va narxlarni shakllantirish hududiy konsalting markazi yetakchi mutaxassisi, bo‘lim boshlig‘i, bosh mutaxassis, tanlov savdolarini tashkil etish bo‘limi boshlig‘i, markazi yetakchi mutaxassisi bo‘lgan.

Tayinlovga qadar Tajibayev Mash’al Xurmamatovich, Andijon viloyati uy-joy kommunal xizmat ko‘rsatish boshqarmasi boshlig‘i lavozimida faoliyat yuritgan.