24 may kuni Xorazm viloyati, Yangiariq tumanida 1982 yilda tug‘ilgan shaxs Nexia avtomashinasida «Yangiariq – Xonqa» yo‘lining chetida borayotgan, 11-sinf bitiruvchilari bo‘lgan 6 nafar o‘quvchini urib yubordi.

Hodisa oqibatida 3 nafar maktab o‘quvchisi hodisa joyida, 1 nafari esa shifoxonada vafot etgan. Yana 2 nafar bola shifoxonaga yotqizilgan.

Holat bo‘yicha Jinoyat kodeksining 266-moddasi 3-qismi bilan jinoyat ishi qo‘zg‘atilgan. Dastlabki tergov harakatlari olib borilmoqda.