Xorazm viloyati Ichki ishlar boshqarmasi Urganch shahridagi «Saxara» kafesi oldida shu kafeda ishlovchi bir guruh qizlar yarim-yalong‘och kiyingan holda sumalak pishirayotganliklari aks etgan video yuzasidan munosabat bildirdi.

Ma’lum qilinishicha, 2021 yilning 21 mart kuni ijtimoiy tarmoq foydalanuvchilari tomonidan keskin tanqid qilingan ushbu videolavhada aks etgan holat yuzasidan hozirgi kunda Urganch shahar Ichki ishlar organlari faoliyatini muvofiqlashtirish bo‘limi tomonidan surishtiruv ishlari olib borilmoqda. Mazkur video tarmoq foydalanuvchilari orasida ko‘plab muhokamalarga sabab bo‘lgan.

Shuningdek, viloyati IIB surishtiruv yakuni bo‘yicha qo‘shimcha ma’lumot berilishini ma’lum qilgan.