Jahon iqtisodiyotining prognozi salbiy. Global yalpi ichki mahsulot 2020 yilda pasayishi kutilmoqda, dedi Xalqaro valyuta jamg‘armasi rahbari Kristalina Georgiyeva.

"Ammo biz 2021 yilda tiklanishni kutmoqdamiz", deyiladi XVJning yangi hisobotida.

"Koronavirus pandemiyasidan insonlarning zarari juda katta va barcha davlatlar odamlarni himoya qilish va iqtisodiy zararni cheklash uchun birgalikda ishlashlari kerak", - dedi u.

Georgiyevaning ta’kidlashicha, Covid-19 ning iqtisodiyotga ta’siri juda jiddiy bo‘ladi, ammo virus qancha tez to‘xtatilsa, iqtisodiyot shuncha tez tiklanadi.

"Biz sog‘liqni saqlash tizimini mustahkamlash va zarar ko‘rgan xodimlar va kompaniyalarni himoya qilish uchun ko‘plab davlatlar tomonidan amalga oshirilayotgan shoshilinch moliyaviy choralarni qat’iy qo‘llab-quvvatlaymiz. Pul markazlarini engillashtirish bo‘yicha eng yirik Markaziy banklarning qadamlarini olqishlaymiz. Ushbu chora-tadbirlar nafaqat har bir mamlakat, balki global iqtisodiyot manfaatlariga ham to‘liq mos keladi", - dedi u.

Shu bilan birga, XVJ rahbari rivojlangan davlatlar odatda inqirozga qarshi turish uchun yaxshiroq holatda ekanligini, rivojlanayotgan va kam daromadli mamlakatlar jiddiy muammolarga duch kelishlari mumkinligidan havotirda ekanligini bildirdi.

Georgiyevaning so‘zlariga ko‘ra, 80 ga yaqin davlat allaqachon yordam uchun fondga murojaat qilgan. "Biz muvofiqlashtirilgan javob berish uchun boshqa xalqaro moliya institutlari bilan yaqindan ishlaymiz", - dedi u.

Xalqaro valuta jamg‘armasi rahbari 1 trillion dollargacha kredit ajratishga tayyorligini, shuningdek, boshqa vositalardan foydalanish imkoniyatini ham e’lon qildi.