Innovatsion rivojlanish vazirligi Zarifboy Ibodullayevning 28 avgust kungi «Xalq oldida javob berasiz» video murojaati bo‘yicha bayonot berdi. 

Bayonotga ko‘ra, joriy yilning 27-28 avgust kunlari koronavirusga qarshi ZF-UZ-VAC2001 vaksinasining 3-faza klinik sinovlari natijalari to‘g‘risidagi ma’lumot Xitoy fond bozori, Reyter axborot agentligi va O‘zbekiston Respublikasi Innovatsion rivojlanish vazirligi saytlarida e’lon qilindi. 

Tadqiqot natijalariga ko‘ra 3-dozadan so‘ngZF-UZ-VAC2001 vaksinaning samaradorligi barcha shtammlar uchun umumiy 81,76%, «britancha» shtammga qarshi esa 92,93% tashkil etdi. O‘lim va og‘ir holatlarga qarshi 100% samaradorligini ko‘rsatdi.

Pfizer vaksinasining samaradorligi 85%, AstraZeneca 68% ekani, Moderna vaksinasi esa «birlamchi» shtamm (Uxancha) uchun yuqori samaradorlikni ko‘rsatib (94%), «delta» shtamm uchun 76% gacha pastlagani ilmiy adabiyotlarda qayd etilgan.